इङ्ग्ल्याण्डमाथि स्पेनको पुनरागमन जीत

लण्डन, 27 सेप्टेम्बरः विश्व च्याम्पियन स्पेनले शनिवार उत्कृष्ट पुनरागमन रच्दै इङ्ग्ल्याण्डलाई ३–२ गोल अन्तरले पराजित गरेको छ। वेम्बलीमा भएको यूईएफए नेसन्स लीगको खेलमा प्राप्त जीतपछि लुइस डे ला फुन्टेको स्पेनले आफ्नो अपराजित यात्रालाई ३९ खेल पुर्‍याएको छ।

युरोपेली फुटबलमा कुनै टिमको यो कीर्तिमानी अपराजित यात्रा हो। लामिन यामलको गोलमा स्पेनले शुरुमै अग्रता लिएपछि इङ्ग्ल्याण्डका लागि एन्थोनी गोर्डन र ह्यारी केनले गोल गरेका थिए। त्यसपछि स्पेनका लागि एलेक्स बाएना र मिखेल ओयारजाबलले गोल गरे।

अन्य खेलमा क्रोएशियाले चेक गणतन्त्रलाई २–१ गोल अन्तरले पराजित गऱ्यो भने स्विट्जरल्याण्डले उत्तरी मेसेडोनियालाई ३–० गोल अन्तरले पराजित गर्‍यो। क्रोएशियाको जीतमा मारिओ पासिलिकले निर्णायक गोल गरे।